ЕАЭС бозорида дори воситалари муомаласини тартибга солишдаги асосий янгиликлар

Евросиё иқтисодий комиссияси (ЕОК) техник тартибга солиш ва аккредитация департаменти директори ўринбосари XI Бутунроссия GMP-конференциясида ЕАЭС бозорида дори воситалари муомаласини тартибга солишдаги асосий янгиликларни тақдим этди, жумладан:

• GMP қоидаларининг 1-иловаси (стерил препаратлар) янгиланиши;
• GMP қоидаларининг 4-қисми жорий этилиши — унда юқори технологик дори препаратларини ишлаб чиқаришга қўйиладиган махсус талаблар илк бор мустаҳкамланди;
• ҳарорат картографияси ва микробиологик мониторинг бўйича раҳбарномаларнинг қабул қилиниши.

Алоҳида эътибор 2026 йил 9 июлдаги ЕЭК Кенгашининг № 87-сонли қарорига қаратилди, у ЕАЭС давлатларининг ваколатли органларини ЖССТнинг Тегишли регуляторлик амалиёти (GRP) қоидаларини қўллашга мажбур қилади. Ишлаб чиқарувчига қаратилган GMP ва бошқа амалиётлардан фарқли ўлароқ, GRP қоидалари регуляторга қаратилган бўлиб, тизим қандай тузилганлиги, қарорлар қандай тайёрланиши ва уларнинг таъсири қандай баҳоланишига тааллуқлидир.

Шарҳ «Ўзбекистон фармацевтик хабарномаси» журналининг «Янгиликлар» рукни учун тайёрланди.

Манба: eec.eaeunion.org