Президент фармонлари ижросида икки низом лойиҳаси келишувга тақдим этилди
Давлат фармакопеясини ишлаб чиқиш бўлими PF-137 ва PF-161 фармонлари ижросида иккита низом лойиҳасини тайёрлаб, вазирлик ва идоралар билан келишувга тақдим этди.
«Фарматсевтика маҳсулотлари хавфсизлиги маркази» давлат муассасасининг Давлат фармакопеясини ишлаб чиқиш бўлими Ўзбекистон Республикаси Президентининг икки фармони ижросини таъминлаш юзасидан иккита низом лойиҳасини ишлаб чиқиб, уларни тегишли вазирлик ва идоралар билан келишиш учун тақдим этди.
Биринчи ҳужжат Президентнинг 2025-йил 19-августдаги «Дори воситалари ва тиббий жиҳозлар муомаласини тартибга солишга доир қўшимча чора-тадбирлар тўғрисида»ги PF-137-сон фармонида белгиланган вазифалар ижросини таъминлаш мақсадида тайёрланди. «Дори воситаларини стандартлаштиришда Ўзбекистон Республикаси Давлат фармакопеясида келтирилмаган ҳолатларда дунёнинг етакчи фармакопеялари синов усулларини қўллаш тартиби тўғрисида»ги низом лойиҳаси миллий фармакопеяда кўзда тутилмаган ҳолларда таҳлил ва синовларни халқаро етакчи фармакопеялар усуллари асосида ўтказиш тартибини белгилайди.
Иккинчи ҳужжат — Президентнинг 2025-йил 8-сентябрдаги «Ислоҳотларни ҳуқуқий жиҳатдан таъминлаш самарадорлигини ошириш ҳамда ижтимоий муносабатларни тартибга солишда вазирлик ва идораларнинг масъулияти ва ташаббускорлигини кучайтириш чора-тадбирлари тўғрисида»ги PF-161-сон фармони ижросида ишлаб чиқилган «Умумий фармакопея мақолаларини, фармакопея мақолаларини ишлаб чиқиш ва уларни Давлат фармакопеясига киритиш тўғрисида»ги низом лойиҳасидир. Унда умумий фармакопея мақолалари ва фармакопея мақолаларини ишлаб чиқиш ҳамда Давлат фармакопеясига киритиш тартиби тартибга солинади.
Ҳозирда ҳар икки лойиҳа тегишли вазирлик ва идоралар билан келишув босқичида. Улар Давлат фармакопеясини ишлаб чиқиш ва дори воситаларини миллий стандартлаштириш фаолиятининг ҳуқуқий асосини мустаҳкамлашга хизмат қилади.