YEOK steril boʻlmagan dori vositalarini ishlab chiqarishda isitish, ventilyatsiya va havoni konditsiyalash tizimlari boʻyicha rahbarnoma qabul qildi

Yevrosiyo iqtisodiy komissiyasi Kollegiyasi 2026 yil 29 sentyabrdagi № 22-sonli «Steril boʻlmagan dori vositalarini ishlab chiqarishda qoʻllaniladigan isitish, ventilyatsiya va havoni konditsiyalash (HVAC) tizimlarini loyihalash, foydalanish, kvalifikatsiya va texnik xizmat koʻrsatish boʻyicha rahbarnoma»ni tavsiya etdi. Hujjat tabletka, kapsula, kukun, suyuqlik, krem va malham kabi steril boʻlmagan dori shakllarini ishlab chiqarishda kontaminatsiya va oʻzaro kontaminatsiyani oldini olish boʻyicha tavsiyalarni oʻz ichiga oladi. Rahbarnoma GMP talablarining majburiyligini bekor qilmagan holda, ilmiy dalillar va xavflarni baholashga asoslangan yondashuvni mustahkamlaydi hamda havoni filtrlash, havo oqimlari yoʻnalishi va bosim farqlari, harorat va nisbiy namlik, chang, bugʻ va tutun nazorati, tizimlarni kvalifikatsiya qilish hamda ishlab chiqarish zonalarini (tortish, dozalash, namuna olish zonalari) loyihalash misollarini qamrab oladi.

Sharh «Oʻzbekiston farmatsevtik xabarnomasi» jurnalining «Yangiliklar» rukni uchun tayyorlandi.