USP suvga oid monografiyalarni yangiladi: endotoksinlarni rekombinant reagentlar bilan aniqlashga yoʻl qoʻyildi

USP farmatsevtik qoʻllanish uchun suvning turli xillariga oid monografiyalarni — «Farmatsevtik qoʻllanish uchun suv», «Inyeksiya uchun suv», «Bakteriostatik inyeksiya uchun suv», «Steril ingalyatsiya uchun suv», «Steril inyeksiya uchun suv», «Steril irrigatsiya uchun suv» va «Toza bugʻ» monografiyalarini yangiladi. Yangilangan monografiyalar 2026 yil 1 apreldan kuchga kiradi. Asosiy oʻzgarish — bakterial endotoksinlarni aniqlashda rekombinant reagentlar (<86>) anʼanaviy LAL-reaktivga (<85>) muqobil sifatida qoʻllashga yoʻl qoʻyilishi; endotoksinlar miqdorining chegarasi oʻzgarishsiz qoldi. Asosiy <1231> «Farmatsevtik qoʻllanish uchun suv» bobidagi oʻzgarishlar asosan tahririy xususiyatga ega boʻlib, unga USP rasmiy veb-saytidagi koʻp beriladigan savollar boʻlimi materiallari (namuna olish, qoʻshimchalar bilan ishlash, nitrozaminlar kabi xavflar) ham kiritildi.

Sharh «Oʻzbekiston farmatsevtik xabarnomasi» jurnalining «Yangiliklar» rukni uchun tayyorlandi.

Manba: www.usp.org